Përplasen dy makina në Berat, plagoset rëndë pasagjeri

Një aksident i rëndë ka ndodhur mbrëmjen e sotme në rrugën nacionale Berat-Ura Vajgurore, në vendin e quajtur kthesa e Lapardhasë.

Mësohet se një mjet i tipit “Benz” është përplasur me një “Ford”, ku si pasojë e aksidentit ka mbetur i plagosur rëndë një pasagjer 30 vjeçar.

Shkak i aksidentit mësohet se është bërë Benzi, shoferi i të cilit drejtonte makinën në gjendje të dehur. Ai ka goditur nga pas Fordin.