Përplasen dy makina në Korçë, dy të plagosur

Dy persona kanë mbetur të plagosur rëndë si pasojë e një aksidenti që ka ndodhur në Korçë.

Siç njofton policia, aksidenti ndodhi në aksin rrugor Korçë-Kapshticë, në afërsi të fshatit Neviçisht ku dy makina u përplasen me njera tjetren.

Policia thotë se shkak i aksidentit dyshohet se është lagështia në rrugë dhe parakalimi i gabuar.

Të plagosurit u dërguan me urgjence drejt spitalit te Korçës.

Në vendin e ngjarjes mbërriti policia dhe zjarrfikësja dhe po punohet për zbardhjen e plotë të rrethanave të aksidentit.