“Përvëlohet” Shqipëria/ Të premten temperatura shkon 43 °C, si pritet të jetë moti këtë javë

Vala e të nxehtit që tashmë ka pushtuar pjesën më të madhe të Europës do të vijojë të jetë przente edhe gjatë kësaj jave.

Sipas Shërbimit Meteorologjik Ushtarak, ndikimi i anticiklonit Afrikanë do të sjelli mot të kthjellët në të gjithë territorin dhe temperatura shumë të larta. Orët e gjata me diell dhe masat ajrore të nxehta do të bëjnë që termometri të regjistrojë vlera deri në 43 gradë celsius kryesisht në qytetet Berat, Elbasan dhe Gjirokastër.

Era do të jetë kryesisht nga veriperëndimi me shpejtësi mesatare deri në 7m/sek. Valëzimi në dete pritet të jetë i ulët i forcës 1-2 ballë.