Petrit Vasili nxjerr fotot: Edhe djathi shitet me doreza, ndërsa vaksinimi sipas Ramës bëhet pa doreza!

Nënkryetari i LSI, Petrit Vasili, ka publikuar disa foto për të treguar pakujdesinë e stafit mjekësor që kryen vaksinimin në Shkodër. Në foto duket që vaksinimi i mjekëve bëhet pa doreza, një procedurë e thjeshtë që përdoret edhe për të bërë një gjilpërë të thjeshtë.

“Edhe djathi shitet me doreza, ndërsa vaksinimi sipas Ramës bëhet pa doreza!“- shkruan Petrit Vasili në Facebook.

Postimi i plotë i nënkryetarit të LSI, Petrit Vasili

Edhe djathi shitet me doreza, ndërsa vaksinimi sipas Ramës bëhet pa doreza!
Edi Ramën vetë e vaksinojnë me doreza, ndërsa mjekët në Shkodër pa doreza.
Edi Rama ka rëndësi, ndërsa mjekët nuk kanë asnjë rëndësi.
Edhe djathi shitet me doreza, ndërsa sipas Edi Rames procedura mjekësore e vaksinimit të mjekëve mund të bëhet pa doreza.
I mbytën njerëzit me mijëra gjoba për maskat dhe nga ana tjetër vaksinojnë pa doreza.
Ja shikoni se si vaksinohen Presidenti i SHBA Biden, Zv.Presidentja Kamala Harris apo Anthony Fauci një nga imunologët më të mëdhenj në botë.