Pipero: Qeveria të ngrijë ligjin për arsimin e lartë

Pedagogu Pëllumb Pipero i ftuar në “360 Gradë” në Ora News, tha se qeveria duhet ta “ngrijë” ligjin e arsimit të lartë.

Pipero: E kam ndjekur nga fillimi protestën e studentëve dhe çdo pedagog ka një detyrim madhor; të mbështesë studentët. Personalisht unë dhe shumë kolegë të mi në Fakultetin e Mjekësisë kanë këtë mendim. Studentët kanë të drejtë për të gjitha kërkesat. 

Nuk i kushton asgjë një kryeministri dhe një qeverie të përgjegjshme ta ngrijë ligjin dhe jo ta anulojë. Nuk duan jo se nuk munden. Kolapsi që përjetojmë sot në arsim i ka rrënjët të gjitha tek ligji i Arsimit të Lartë që na u soll si paketë.