Pjetër Arbnori ”kthehet” në Kuvend (FOTO)

U përurua paraditen e së enjtes në lulishten e Kuvendit të Shqipërisë busti i Pjetër Arbnorit, ish-kryetar i Kuvendit. Me pjesëmarrjen e Presidentit të Shqipërisë, Ilir Meta, të ministrave dhe ish-ministrave, deputetëve e ish deputetëve, u bë edhe inagurimi me një ceremoni të organizuar nga Kuvendi. ”Faleminderit zotni Pjetër që u ktheve në shtëpinë tënde, tani e mbrapa nuk do të na largohesh më. Ky Parlament do të mbetet shtëpia e patjetërsueshme e tij. Ai ishte një burrë i pjekur dhe i ditur, i aftë ta zgjedhë fjalën e duhur. Ishte pajtues por jo në dëm të së vërtetës. Nëse do ulej në këtë sallë sot, do të ishte kundërshtar politik i Gramoz Ruçit. Por ai prapë për këtë bust do ta falënderonte atë”, tha Besnik Mustafaj.