Plagoset me thikë një person në Pogradec, shpallet në kërkim autori

Një plagosje me thikë raportohet se ka ndodhur mbrëmjen e sotme në dalje të qytetit të Pogradecit

Ngjarja ka ndodhur në rrugë në afërsi të një dyqani ku i lënduar ka mbetur shtetasi me iniciale M. T., 36 vjeç, i cili sipas informacioneve ndodhet jashtë rrezikut për jetën.

Burime bëjnë me dije se konflikti ka nisur në çast ku dy të përfshirët, 36-vjeçari dhe shtetasi me iniciale shtetasi L. O, janë konfliktuar për motive të dobëta.

Pogradec/Informacion paraprak

Në lagjen nr 3, rreth orës 20.20, gjatë një konflikti fizik, shtetasi L. O, dyshohet se ka dëmtuar me mjet prerës shtetasin M. T., 36 vjeç, i cili është dërguar në spital për ndihmë mjeksore.

Shërbimet e Policisë vijojnë kontrollet për kapjen e shtetasit L. O.

Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.