Plagosi nënën, 22-vjeçari kishte shfaqur shenja depresioni

Këtë të shtunë në Maqellarë të Dibrës, një 22-vjeçar plagosi nënën e tij. Mësohet se i riu është kapur nga policia, dhe ka kryer studimet e larta. Ndërsa kohët e fundit ka shfaqur shenja të pazakonta për sjelljen e tij, duke u mbyllur në vetvete. Gruaja ka marrë plagë të rënda dhe është transportuar me urgjencë në spitalin e Traumës në Tiranë. Sakaq, policia po punon për të zbardhur rrethanat dhe motivet e këtij akti në familje.