Pleqëri e vetmuar, 40% e tyre jetojnë në varfëri

Shqipëria po shkon drejtë plakjes me ritme të shpejta. Sipas INSTAT në vitin 2018, mosha mesatare e popullsisë rezulton 35,4 vjeç. Ndërkohë që të moshuarit po vijnë në rritje nga viti në vit. Duke bërë që raporti i popullsisë mbi 65-vjeç me popullsinë 15-64 vjeç të rritet në 20,1 %. Përfaqësues të shoqatës së pensionistëve në ditën ndërkombëtare të të moshuarve kërkojnë më shumë vëmendje nga politikëbërësit. Braktisja por edhe kushtet e vështira ku të moshuarit jetojnë hasen edhe në Tiranë. Ndaj kreu i degës së Tiranës kërkon transport falas. Rreth 40% e të moshuarve jetojnë në varfëri, ndaj kërkesat e Shoqatës së Pensionistëve lidhen me anën ekonomike, siç është rritja e pensioneve, por ngritjen në çdo bashki të qendrave ditore për moshën e tretë.