“Po blejnë vota”, 2 persona kapen “mat” në Shkodër me listën dhe fletën e PSD-së të shënuar

Ndërkohë që edhe 5 ditë na ndajnë nga data e zgjedhjeve, kanë nisur që të shënohen incidentet e para lidhur me tentativën e  shit-blerjes së votës.

Disa qytetarët në Shkodër, kanë ndaluar një makinë ku 2 personave brenda saj i është gjendur një listë me emra dhe një fletë votimi e shënuar me x për PSD-në.

Në fletë janë shënuar disa emra dhe me numra nga pas, ndërsa letra mban sipër datën 14 prill 2021.

Sipas tyre këta qytetarë ishin duke blerë vota dhe duke u treguar se si të votonin kandidatin e PSD-së në Shkodër.

Njëri nga të pranishmit e pyet të riun në makinë pse ka qenë te shtëpia e tezes së tij dhe shprehen se do t’i çojnë në komisariat.

Pamjet ne fjale jane publikuar nga ish-kryeministri Sali Berisha.