Po kulloste bagëtitë, 70-vjeçari goditet nga rrufeja dhe humb jetën

Një 70-vjeçar ka humbur jetën pasi u godit nga rrufeja ndërsa kulloste bagëtitë. Ngjarja ndodhi rreth orës 15:30 të së mërkurës në bjeshkët e Gramës, në Dibër. ”Rreth orës 15:30, në bjeshkët e Gramës në Dibër, shtetasi R.K., rreth 70 vjeç, duke kullotur bagëtitë, dyshohet se është goditur nga shkarkesa elektrike (rrufe) dhe për pasojë ka humbur jetën. Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes”,-thuhet në njoftimin e Policisë.