Po transmetonin “live” komisionet, mediat gjobiten nga policia

Me siguri e keni vënë re që kur ka mbledhje të komisioneve apo protesta, makinat e mediave qëndrojnë para Kuvendit për të transmetuar gjithçka live, mirëpo sot mediat janë përballur më një “surprizë” aspak të këndshme.

Mjetet e mediave që po mundësonin transmetimin e mbledhjes së sotme të Komisionit të Medias dhe Ekonomisë janë gjobitur nga policia.  Edhe pse prej vitesh ai vend ka qenë si “parkim” provizor dhe i mirëkuptuar për median, sot ata janë gjobitur megjithëse Kuvendi nuk ka krijuar një vend të posaçëm për median.

Ky rast flagrant është bërë publik nga deputeti Flamur Noka, i cili u shpreh se largimi i mediave nga para Kuvendit është bërë me qëllim që komisionet të mos transmetoheshin.