Policia e Elbasanit ndryshon shefat! Cilët janë ata dhe arsyet e lëvizjes

Struktura e policisë në Elbasan ka pësuar disa ndryshime. Kështu burime për “Panorama.al” bëjnë të ditur se është ndryshuar shefi i krimeve, shefi krimit ekonomik dhe shefi i sektorit të anti drogës.

Sokol Novaku nga shefi i sektorit të antidrogës transferohet shef krimesh në komisariatin e Gramshit.

Maringlen Duçi nga shefi i hetimeve në komisariat, transferohet shef i krimit ekonomik në drejtorinë e policisë.

Po ashtu janë ndryshuar edhe 5 oficerë në sektorë të ndryshëm.

Mësohet se lëvizjet janë bërë në kuadër të përmirësimit të punës në drejtorinë vendore të policisë Elbasan.