Policia e Shtetit: “…Po Shqipëria do të rrojë/ Për të, për të, luftojmë ne.”
Aktualitet Politikë E Enjte, 28 Nëntor 2024 09:18
Në larminë e urimeve që po e kthejnë çdo moment të këtyre ditëve festive në çaste të jashtëzakonshme emocionues përjetimi është edhe urimi që vjen nga Policia e Shtetit, e cila përmes një videoje të shpërndarë në rrjetet sociale ajo sjell një parakalim të mjeteve të saja.
“…Po Shqipëria do të rrojë;
Për të, për të, luftojmë ne.” 
👮🏻♂👮🏻♀
👮🏻♂👮🏻♀Përgjatë 112 viteve të shtetit të pavarur shqiptar, Policia e Shtetit ka qenë kontribuese kryesore që te shtetndërtimi, te imazhi i shtetit shqiptar, si dhe te besimi e shpresa e qytetarëve te ligji.
Koha ka rrjedhur, vendi dhe flamuri mbeten betimi dhe zotimi më i vyer i punonjësve të Policisë së Shtetit. Puna dhe sakrifica e tyre dhe e qindra Dëshmorëve të Policisë janë gdhendur me lavdi në historinë e Shqipërisë.
28 e 29 Nëntori na gjen krenarë për sa kemi bërë dhe të vetëdijshëm që Shqipërisë dhe shqiptarëve iu detyrohemi shumë më shumë, punë, angazhim, sakrificë, humanizëm dhe shërbim akoma më cilësor.
Shteti, Policia dhe qytetarët janë simbioza ekzistenciale për të ardhmen e dëshiruar në vendin tonë.
Policia e Shtetit ju uron: Gëzuar festat e Nëntorit!
Shkruhet në postimin e Policisë së shtetit.
