Policia franceze sekuestron dy tonë kokainë në portin verior të Le Havre

Policia ka sekuestruar më shumë se dy tonë kokainë, me vlerë rreth 130 milionë euro (134 milionë dollarë), në portin verior francez të Le Havre.

”Kontrabandistët përdorën një klon kontejner për të futur drogën”, tha policia.

”Pasi një kontejner përpunohet përmes një skanimi rutinë nga dogana, informacioni i tij i regjistrimit kopjohet duke e lejuar atë të shmangë inspektimet”, sipas Europol.

Kjo procedurë zakonisht bën të mundur heqjen e kontejnerit me etiketim të kopjuar dhe letra të kopjuara të pazbuluara nga zona e portit.

Megjithatë, në këtë rast hetuesit gjetën lëndën narkotike.

U arrestuan shoferi i kamionit dhe një anëtar i bandës së të akuzuarve të përfshirë në kontrabandë, dy meshkuj të moshës 41 dhe 22 vjeç.

Ata përballen me 30 vjet burg.

Porti i Le Havre ka qenë prej vitesh një nga portat më të rëndësishme për kontrabandën e kokainës në Francë.

Ministri i Brendshëm, Bruno Retailleau përgëzoi hetuesit për suksesin e tyre dhe autoritetet folën për një gjetje rekord.

”Falë punës së jashtëzakonshme të zyrtarëve, lufta kundër trafikut të drogës po intensifikohet dita-ditës”, tha ai./ a.jor. ATSH