Policia jep detaje për zjarrin në Shkodër: E plagosur edhe bashkëshortja e viktimës, është dërguar me djegie në spital
Aktualitet Lajme E Enjte, 3 Shkurt 2022 14:59
Policia e Shkodrës jep detaje nga zjarri në banesën, në lagjen Salo Halili, ku humbi jetën 79-vjeçari Musa Zeqiri.
Policia njofton se nga flakët ka pësuar djegie edhe bashkëshortja e viktimës, e cila ndodhet në spital jashtë rrezikut për jetën.
Shkodër/ Informacion paraprak
Më datë 03.02.2022, rreth orës 13:30, në lagjen “Salo Halili”, Shkodër, ka rënë zjarr në katin e parë të një pallati. Si pasojë ka gjetur vdekjen shtetas M. Z. 79 vjeç, dhe ka pësur djegie bashkëshortja e tij e cila ndodhet jashtë rrezikut për jetën në Spitalin Rajonal Shkodër.
Në vendin e ngjarjes ndodhen shërbimet e Policisë dhe shërbimet PMNZ, ku kanë bërë të mundur fikjen e zjarrit.
