Policia mësyn në një lokal, arrestohet në flagrancë pronari dhe kamarieri

Pronari i një lokali në Kavajë dhe kamarieri u arrestuan në flagrancë nga policia pasi u zbulua se në ambientet e biznesit për përdorej e shitej drogë dhe organizoheshin lojëra fati.

Efektivet pranë Komisariatit të Policisë Kavajë kanë arrestuar në flagrancë shtetasit Gledian Caushi dhe kamerieri Ani Shahollari.

Mesohet se kamarieri ishte i mitur, i moshes 17 vjeçare dhe do hetohet për veprat penale “Prodhimi dhe shitja e narkotikëve” dhe “Organizimi i lotarive të palejuara”.

Njoftimi i policisë

Kavajë

Goditet një rast i përshtatjes së lokaleve për përdorim droge dhe lotari të palejuara.

Arrestohen në flagrancë pronari i lokalit dhe kamerieri, procedohet penalisht një shtetas tjetër.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, bazuar dhe në informacionet e siguruara në rrugë operative se një shtetas kishte përshtatur lokalin në pronësi të tij, për përdorim droge dhe për lojëra fati, specialistët për Hetimin e Krimeve pranë Komisariatit të Policisë Kavajë kanë arrestuar në flagrancë shtetasit:

– G. C., 30 vjeç, banues në Golem, Kavajë, pronari i lokalit, për veprat penale “Organizimi i lotarive të palejuara”, “Përshtatja e lokalit për përdorim droge”, “Vënia në dispozicion e lokaleve për lojëra të palejuara” dhe “Punësimi i paligjshëm”;

– A. Sh., 17 vjeç, për veprat penale “Prodhimi dhe shitja e narkotikëve” dhe “Organizimi i lotarive të palejuara”.

Gjithashtu u procedua penalisht shtetasi M. B.

Këta shtetas janë arrestuar në flagrancë pasi në lokalin në pronësi të shtetasit G. C., shtetasi A. Sh., i punësuar si kamerier, i ka shitur një sasi lënde narkotike shtetasit M. B.

Në vijim të veprimeve, gjatë kontrollit në aparatit celular të shtetasit A. Sh. u gjetën programe për lojëra fati.

Materialet procedurale i kaluan Prokurorisë pranë Gjykatës së Shkallës së Parë Kavajë, për veprime të mëtejshme.