Policia reagon për herë të parë për protestën e opozitës

Situata para parlamentit vijon të jetë e tensionuar, teksa policia ka ndërhyrë disa herë për të shpërndarë turmën, duke përdorur ujë dhe gaz lotsjellës.

Së fundi, policia po vijon t’i bëjë apel protestuesve që të shpërndahen dhe të heqin dorë nga dhuna, pasi në të kundërt do të ndërhyhet forcërisht nga forcat e rendit.

Në apelin nëpërmjet altoparlantëve, policia ka lënë 5 minuta afat, që turma të shpërndahet dhe të mos qëllojë me sende të forta drejt policisë.

Ndërkohë pranë turmës kanë shkuar edhe kreu i partisë Demokratike, Lulzim Basha, si dhe disa ish deputetë të kësaj force politike.