Policia shoqëron gazetarin e A1 Report

– Një ngjarje e paprecedentë është shënuar me gazetarin e kronikës në televizionin A1 Report i cili është shoqëruar në komisariat nga policia ndërsa raportonte për një konflikt në Farkë të Vogël. 

Gazetari Dashamir Biçaku ka njoftuar redaksinë se efektivët e kontrollit të transportit rrugor e ndaluan dhe po e shoqërojnë në komisariat me argumentin se nuk ka të drejtë të filmojë. Një paradoks kjo kur detyra e gazetarit është të përcjellë ngjarjen tek publiku përmes pamjeve. 

Por për çfarë po raportonte gazetari Biçaku?
Në Farkë të vogël protestohej kundër vendimit të kryekomunarit të Farkës Fatbardh Plaku i cili i ka hequr licencën linjës së autobusëve.