Policia shpall në kërkim 32-vjeçarin që plagosi një person me armë zjarri në Tiranë

Policia ka identifikuar dhe shpallur në kërkim një 32-vjeçar, i dyshuar për plagosjen me armë zjarri të një shtetasi në Rrugën e Dibrës, mbrëmjen e djeshme. Ngjarja ndodhi pas një konflikti për motive të dobëta mes dy personave.

Si pasojë e hetimeve të shpejta, autoritetet kanë lokalizuar dhe shpallur në kërkim F. C., 32 vjeç, i cili dyshohet se ka qëlluar me armë zjarri shtetasin G. H., 29 vjeç, duke e plagosur në këmbë. G. H. mori ndihmën e nevojshme mjekësore dhe është jashtë rrezikut për jetën.

Policia vijon hetimet dhe kërkimet për kapjen e autorit dhe për përfundimin e hetimit të plotë të ngjarjes.