Policia zbulon të dashurin e gruas së ambasadorit si vrasës

Ambasadori grek në Brazil, Kyriakos Amiridis është vrarë nga një polic, i cili kishte një lidhje dashurie me gruan e diplomatit. Kjo konfirmohet nga policia, e cila sqaron se gruaja e ambasadorit, 40 vjeçarja Francoise Amiridis, komplotoi vrasjen me të dashurin e saj.

Policia ka ndaluar 29 vjeçari Sergio Gomes Moreira Filho së bashku  me një kushëririn e tij, Eduado Melo dhe me gruan e ambasadorit.

Melo thuhet se është paguar 25 mijë dollarë për të bërë rolin e rojes.

I dashuri i saj, polici 29-vjeçar  Sergio Moreira pranoi krimin. Hetuesit besojnë se që të dy e planifikuan krimin disa ditë më parë. Tre të dyshuarit janë marrë në pyetje dhe do të mbahen në polici edhe per 30 ditet e ardhshme.

Kyriakos Amiridis ishte zhdukur që prej të hënës. Ndërsa trupi i tij u gjet në një makinë të djegur në periferi të Rio de Janeiro të enjten.