Politikani që doli më i lumtur nga Samiti i Berlinit në Tiranë

Gazetarja Esmeralda Mulaj, vlerëson se e vetmja arritje e kryeministrit Edi Rama në samitin e sotëm të Procesit të Berlinit ishte diplomacia publike.

Për të ky samit nuk prodhoi asgjë konkrete për rajonin, pasi u mbajt nën hijen e luftës mes Hamasit dhe Izraelit dhe të vetmit liderë që u shfaqen të lumtur ishin ata në largim, që nuk do të kenë më asnjë përgjegjësi politike.

“Po të shikoje imazhet e udhëheqësve shikoje tensionin në botë, e kishin në axhendë këtë samit ndaj e bënë. Për ne sigurisht që është gjë e mirë. Kryeministri më i lumtur ishte ai i Holandës, Mark Rutte i cili nuk do të merret më me politikë, është kryeministër i dorëhequr, ai i Spanjës shkon në zgjedhje, Von der Leyen shkon në zgjedhje. Ishin të relaksuar se nuk do të mbajnë përgjegjësi vitin tjetër”, tha gazetarja në emisionin Now në ”Euronews Albania”.