Pollo: Rama doli hapur kundër BE, shqiptarët ta largojnë gërmadhën duke dalë në rrugë

Ish-deputeti i PD-së, Genc Pollo shprehet se votimi kundër i dekretit të kreut të shtetit është konfrontim i hapur i Edi Ramës me Brukselin.

Në një reagim në Facebook, Pollo thotë se “Edi Rama sinjalizoi jo vetëm me fjalë goje por edhe me kartonë të kuq se atij nuk i intereson Shqipëria në Bashkimin Europian dhe vlerat europiane në Shqipëri. Jo se nuk e ka bërë këtë më parë; por gjithësesi është orvatur të fshehë dorën mbasi ka hedhur gurin”.

Postimi i Genc Pollos në Facebook:
“Edi Rama refuzoi sot sërish Komisionerin e Zgjerimit Várhelyi i cili i kishte kërkuar vetëm që ligji elektoral të mos devijonte nga normat europiane dhe të priste e të respektonte Komisionin e Venecias. Kështu është vepruar gjimonë në Shqipëri në tridhjet vitet e fundit. Madje jo vetëm tek ne por në tërë Europën e më gjerë.
Edi Rama sinjalizoi jo vetëm me fjalë goje por edhe me kartonë të kuq se atij nuk i intereson Shqipëria në Bashkimin Europian dhe vlerat europiane në Shqipëri. Jo se nuk e ka bërë këtë më parë; por gjithësesi është orvatur të fshehë dorën mbasi ka hedhur gurin. Me kalimin e viteve në pushtet orvatjet e tij u bënë gjithnjë e më të pasuksesshme. Por sot Rama konfrontohet hapur me Brukselin. Sot edhe Brukseli ka folur açik për Ramën. Që t’a dëgjojnë edhe ata që nuk kanë patur sy për të shikuar e veshë për të dëgjuar.
Se nuk është faji i shqiptarëve që Maqedonia e Veriut do të hapë e para negociatat duke u shkëputur nga Shqipëria. Nuk është faji i tyre që mund të ngecim vite të gjata mbas maqedonasve e të tjerëve në Ballkan.
Por është përgjegjësi e tyre që me të gjitha mjetet demokratike të largojnë gërmadhën që bllokon rrugën; gërmadhën që quhet Edi Rama. Ta largojnë duke dalë në rrugë dhe në 25 prill duke votuar në masë.
Gjithësesi faleminderit Komisionerit, eurodeputetëve e të tjerëve që nuk u kursyen për të na ndihmuar; dhe folën qartë si kurrë më parë për të treguar edhe problemin edhe zgjidhjen. GP

Lexoni edhe…

• Tallja e Ramës me ndërkombëtarët: Rekomandimet e Venecias i zbatojmë pas zgjedhjeve të 25 prillit
• Zëdhënësja e Komisionit Europian: Rama të presë opinionin e “Venecias” për Kodin
• Komisioneri Varhelyi, mesazh Ramës: Do ishte mirë të prisnit Komisionin e Venecias
• Gahler: Rama të respektojë apelin e Komisionerit Varhelyi, dhe të presë “Venecian” para se të votojë Dekretin
• Komisioni i Ligjeve rrëzon dekretin e Metës, Kodi Zgjedhor të enjten për rivotim në Kuvend
• Basha: Rama, armik i shqiptarëve, peng i mafias. S’ka asnjë parti të dalë nga PD, ka parti të krijuara nga Rama
• Kodi i ri Zgjedhor, Presidenti Meta letër Kuvendit: Prisni Venecian
• Kryeministri Rama sfidon komisionerin e BE: Do ta votojmë Kodin dhe nuk pyesim njeri!