Pompeo vizitë në Berlin, temë diskutimesh dhe Ballkani

Sekretari Amerikan i Shtetit, Mike Pompeo do të zhvillojë në datën 7 maj një vizitë në Gjermani. Departamenti Amerikan i Shtetit njofton se Pompeo do të takohet me kancelaren Angela Merkel për të diskutuar mbi një sërë çështjesh që lidhen me zhvillimet ndërkombëtare.

Në njoftimin për mediat theksohet se në tryezën e diskutimeve do të diskutohet edhe për Ballkanin Perëndimor.

Në 7 maj Sekretari i Shtetit do të mbërrije Berlin, ku do të takohet me kancelaren Angela Merkel dhe me Ministrin e Jashtëm Heiko Maas, për të diskutuar mbi çështjet e përbashkëta si Ukraina, Rusia, Kina, Siria dhe Ballkani Perëndimor”,- thuhet në njoftimin e DASH.