Prangoset oficeri i Forcave Speciale. Ja emri dhe akuza

Arrestohet në Tiranë, efektivi i FNSH për shkelje të rregullave të qarkullimit, pasi aksidentoi një qytetar që lëvizte me motorr.

Shërbimi për Çështjet e Brendshme dhe Ankesat (SHÇBA) nëTiranë, në bashkëpunim me Prokurorinë e Tiranës arrestoi në flagrancë punonjësin e policisë inspektor Riza Kenga, me detyrë trup shërbimi në Komisariatin e Policisë së Ndërhyrjes së Shpejtë në Tiranë.

Arrestimi i efektivit të Policisë u bë pasi në datën 7 shtator, nën efektin e alkoolit ka aksidentuar rëndë me makinë në fshatin Laknas shtetasin Q.D 65 vjeç, i cili ndodhet në Spitalin Ushtarak nen kujdesin mjekesor.

Materialet hetimore iu referuan Prokurorisë pranë Gjykatës së Shkallës së Parë Tiranë.