Prefekti i Tiranës uron besimtarët myslimanë për Muajin e Ramazanit

Prefekti i Qarkut të Tiranës, Shkëlqim Hajdari, ka përcjellë një mesazh urimi për besimtarët myslimanë për Muajin e Bekuar të Ramazanit, duke e cilësuar këtë periudhë si një kohë reflektimi shpirtëror, solidariteti dhe afrimi me Zotin. Në mesazhin e tij publik, Hajdari uroi që agjërimi të jetë i lehtë, lutjet të pranohen dhe zemrat e besimtarëve të mbushen me paqe e dritë.

“Në prag të Muajit të Bekuar të Ramazanit, ju uroj nga zemra të gjithë besimtarëve myslimanë agjërim të lehtë, lutje të pranuara dhe zemra të mbushura me paqe e dritë.

Qoftë ky muaj i shenjtë kohë reflektimi, solidariteti dhe afrimi me Zotin. Sakrifica juaj u shpërbleftë me shëndet, harmoni dhe begati në familjet tuaja. Ramazan të mbarë!”, shkroi Shkëlqim Hajdari në statusin në rrjetet sociale.