Prej ditësh nuk ka viktima, në 24 orët e fundit veç 82 raste të reja nga Covid-19

Aktualitet E Premte, 1 Prill 2022 16:49

Prej disa ditësh, në vend nuk ka humbje jete nga virusi vdekjeprurës Covid-19. Nisur nga shifrat e ulëta, Komiteti Teknik sot hoqi edhe disa masa. Po në 24 orët e fundit, sipas Ministrisë së Shëndetësisë, janë kryer 851 testime nga të cilat kanë rezultuar pozitivë 82 qytetarë.

”34 në Tiranë, 8 në Lushnje, 5 në Durrës, Divjakë, Sarandë, 3 në Fier, Himarë, 2 në Lezhë, Delvinë, Kuçovë, Peqin, 1 në Shkodër, Pukë, Kukës, Kurbin, Kamëz, Dibër, Mallakastër, Konispol, Tepelenë, Korçë, Poliçan”.

Janë 480 pacientë aktivë në të gjithë vendin. Aktualisht në spitalin Covid 3 po marrin trajtim 16 pacientë, nga të cilët 1 është në gjendje më të rënduar. Janë shëruar 71 qytetarë gjatë 24 orëve të fundit, duke e çuar numrin e të shëruarve në 269,787 që nga fillimi i epidemisë.

Statistika (01 Prill 2022)

Raste të reja ditore 82
Të shëruar në 24 orë 71
Të shtruar në spitale 16
Humbje jete në 24 orë 0
Testime ditore 851
Testime totale 1,778,617
Raste pozitive 273,759
Raste të shëruara 269,787
Raste Aktive 480
Humbje jete 3,492