Presidenti Begaj firmos dekretin, Rama mandatohet për të krijuar qeverinë e re

Presidenti Bajram Begaj ka dekretuar Edi Ramën si kryeministër. Sakaq sot pasdite në orën 17:00 pritet të bëhet betimi i 140 deputetëve të Kuvendit.

Edi Rama ishte në presidencë ku takoi kreun e Shtetit. Një shtrëngim duarsh në derën e Presidencës e më tej një rrahje shpatullash. Rama dhe Begaj u takuan kokë më kokë në sallën e pritjeve, takim që zgjati rreth 1 orë e 20 minuta.