Presidenti i ri, deputeti socialist Xhafaj: Do shqyrtojmë me seriozitet kandidaturat e PD-së

Partia Socialiste i ka shtrirë dorën opozitës për Presidentin e ri, ndërsa shtoi se kjo e fundit e ka problemin mes vetes. Deputeti socialist Etjen Xhafaj, thotë se PS-ja ka bërë një lëshim shumë të rëndësishëm ndaj opozitës duke dhënë mundësi që të propozohen emra nga ata

”Nuk kemi shkuar ende në raundin e dytë, sepse po vijojnë negociatat. Problematika kryesore ka qenë të diskutimi i emrave në atë që ka qenë në tryezën e negociatave. Pjesa shumë e rëndësishme e politikës është dialogu dhe kompromisi mes palëve. Besoj se sot PS ka bërë një lëshim shumë të rëndësishëm ndaj opozitës duke dhënë mundësi që të propozohen emra nga ata. Kjo besoj se është rruga logjike që duhet të ecim përpara në këtë proces”.

Po ashtu Xhafaj theksoi se PS-ja i ka qëndruar dhe vazhdon t’i qëndroj synimit për të arritur që të ketë një president të të gjithë shqiptarëve dhe mbi palët.