Nëse ka një temë që diskutohet kudo, sigurisht në taviolina me politikanë, padiskutim është Presidenti i ri. Më 10 maj do të jetë testi i parë i tentativës socialiste në zgjedhjen e presidentit me 84 vota, që socialistët nuk i kanë. Po ashtu Taulant Balla tregoi se zarfet me propozimet e deputetëve socialistë janë hapur, por duhet pritur në bërjen publike të preferencave të tyre.
Kush përflitet?
Presidenti ose presidentja i/e ardhshme ka gjasa që të mos jetë nga radhët e Partisë Socialiste, sepse një president/e më “neutral/e” do të bënte më të lehtë dakordësinë me opozitën.
Nuk përjashtohen figurat e Partisë Socialiste, që përgjithësisht mund të kenë pasur një raport jokonfliktual me opozitën aktuale.
Për momentin, nuk ka asnjë listë të publikuar në mënyrë zyrtare, por nëpër disa portale qarkullon një listë me 10 kandidatë të mundshëm:
1-Mimi Kodheli
2-Lindita Nikolla
3-Valentina Leskaj
4-Gramoz Ruçi
5-Pandeli Majko
6-Fatos Nano
7-Dritan Demiraj
8-Leka Zogu II
9-Zef Mazi
10-Majlinda Bregu