Presidenti Meta e nis ditën me një mesazh mirënjohjeje
Aktualitet Kryesore E Hënë, 8 Qershor 2020 08:25
Presidenti Ilir Meta e ka nisur ditën e sotme me një mesazh mirënjohjeje për Motrat e Shtëpisë “Bijat e Dashurisë Hyjnore”.
Teksa poston një foto së bashku me to, kreu i shtetit, shkruan se misioni i tyre është shembull frymëzues humanizmi, solidariteti dhe besimi.
Mesazhi i Presidentit Meta
Një mirënjohje të veçantë Motrave të Shtëpisë “Bijat e Dashurisë Hyjnore”, që së bashku me Famullinë e Shën Mhillit në Laç, u shërbyejnë plot dashuri në mencën e të varfërve vaktet ushqimore rreth 60 fëmijëve.
Përkushtimi i tyre i jashtëzakonshëm ndaj fëmijëve dhe përkujdesja me përulje ndaj njerëzve në nevojë e vështirësi, e ka bërë misionin e Motrave një shembull frymëzues humanizmi, solidariteti dhe besimi.
