Presidenti Meta: Veliaj e ka treguar se ka nën kontroll prokurorinë dhe SPAK-un

Presidenti Ilir Meta thotë se Erion Veliajn ka kontroll mbi prokurorinë dhe SPAK-un. Kreu i shtetit pohon se kryebashkiaku e provuar këtë, duke u nisur nga shembulli i fundit kur për FSHF-në Veliaj u shpreh se “është ishulli i fundit që nuk kemi kapur”.

“Veliaj firmoste në emër të gjithë qytetarëve të qarkut të Tiranës për inceneratorët që të zhytet i gjithë qarku nëpër borxhe e të paguajë taksa. Ky nuk e ka problem, e ka treguar se kontrollon prokurorinë, SPAK-un”, tha Meta në ”Euronews Albania”.

Po ashtu Meta përmendi edhe rastin e Teatrit Kombëtar, që u shemb “edhe pse është në proces në Gjykatën Kushtetuese, edhe pse Komisioni Evropian bën thirrje që të mos kryhet ky akt”.