Presidentja Osmani reagon për sulmin ndaj spitalit në Gaza: Jetët e pafajshme duhet të mbrohen

Presidentja e Kosovës, Vjosa Osmani, e cilësoi si “shkatërrues” pasojat e shpërthimit në një spital në Qytetin e Gazës, ku raportohet për qindra të vdekur e të plagosur.

“Është shkatërruese të shohësh pasojat në jetë njerëzore me qindra viktima civile pas bombardimit të një spitali në Gaza, duke përfshirë gra dhe fëmijë.

Jetët e pafajshme duhet të mbrohen. Fatkeqësisht, janë civilët ata që vuajnë më shumë në çdo konflikt”, shkruan Osmani në platformën “X”.