Pretenca për Belerin më 13 shkurt, ja akuza nga SPAK

Gjykata e Posaçme ka përfunduar shqyrtimin e dosjes ndaj Fredi Belerit dhe caktoi datën 13 Shkurt për pretencën.

SPAK e akuzon për korrupsion në zgjedhje. Ai u arrestua vetëm dy ditë para zgjedhjeve të 14 majit dhe që prej asaj kohe qëndron në paraburgim, duke mos u lejuar që të betohet si kryebashkiak i Himarës.

Seanca ndaj tij janë ndjekur përgjatë gjithë kësaj kohe nga ambasadorja greke dhe kreu i PBDNJ, Vangjel Dule. Në përfundim të seancës së sotme, avokati i kryebashiakut të zgjedhur të Himarës, hodhi akuza kundër prokurorisë dhe gjykatës se po veprojnë në koordinim për të zgjatur gjykimin.