Pretendimi i Beogradit: Në Shqipëri jetojnë 30 mijë serbë

Autoritet serbe kërkojnë respektimin e të drejtat e minoritetit të tyre në Shqipëri, pasi vlerëson se pakica shqiptare në Serbi i gëzon të gjitha të drejtat sipas standardeve evropiane.

Anëtari i Bordit të Kuvendit serb për diasporë dhe serbët në rajon, Aleksandër Çotric, thotë se në Shqipëri nuk ka ligj për minoritete. Në programin e mëngjesit të televizionit shtetëror serb, Çotric u shpreh se në Shqipëri jetojnë rreth 30 mijë serbë. Ai tha se të gjithë përfaqësuesit e pakicave bojkotuan regjistrimin e popullsisë në vitin 2011, i cili, sipas tij, ishte jodemokratik dhe diskriminues.

“Serbia kërkon të drejta për minoritetin e tyre në Shqipëri, pasi pakica shqiptare në Serbi, i gëzon të gjitha të drejtat sipas standardeve më të larta evropiane dhe ndërkombëtare”, tha ai. Çotriç tha se delegacioni i Parlamentit serb, i përbërë nga anëtarë të diasporës dhe serbë në rajon, vizituan Shqipërinë, e cila nuk ka ligj për minoritetet, ku Serbia e ka të pamundur të nënshkruajë një marrëveshje dypalëshe rreth mbrojtjes së pakicës së saj, raporton Telegraf.