Prokurori i Shkodrës falsifikoi dosjet hetimore që t’i shpëtonte Vettingut?

Prokuroria e Shkodrës rrezikon të përfshihet nga skandali për falsifikimin e dosjeve hetimore. Prokuroria e Përgjithshme konfirmon se është duke u verifikuar rasti i prokurorit Vate Staka.

Prokurori i Shkodrës i cili dyshohet se ka ndërhyrë në arkivë duke ndryshuar fashikujt. Report Tv siguron dosjen e dyshuar si të falsifikuar. Denoncimi për falsifikim dosjesh u bë edhe nga një qytetar. Bëhet fjalë për dosjen 805/2016 me të pandehur Kolë Plenishtën ku ka ndërhyrë prokurori për të ndryshuar afatet hetimore.

Nga verifkimi që ka bërë Prokuroria ka rezultuar se jo vetëm në dosjen e Plenishtës, por edhe në dosjen e një tjetër të pandehuri, Kol Guri, ku shihet se janë fshirë datat e dosjes në hetim.

(Dosja nr.805/2016 që është hetuar nga Prokurori Staka)

Në dosjen e paraqitur për Vettingun u ndryshua data e mbylljes së hetimeve, ndërsa ajo që bie në sy është firma e prokurorit e cila në disa dosje asnjëherë nuk është e njëjtë. Dosja origjinale mban datën 30/11/2016, ndërsa mungon edhe numri i protokollit. Ndërsa në dosjen e falsifikuar, e cila është dorëzuar edhe në KPK, është ndryshuar data nga 30/11/2016 në 01/12/2016. Dyshohet se prokurori ka ndërhyrë në arkivë duke ndryshuar fashikujt.

(Majtas dosja origjinale, djathtas dosjes i është ndryshuar data e hetimeve)

Komisioni i Pavarur i Kualifikimit rikonfirmoi në detyrë në datën 3 korrik prokurorin e Shkodrës, pasi vlerësoi pozitivisht të tre kriteret e Vettingut, pasurinë, figurën morale dhe aftësitë profesionale. /Shqiptarja.com/