Prokuroria kërkon burg për Tahirin, ja lëvizja e rradhës

Të martën në seancën ndaj ish-ministrit të Brendshëm, Gjykata e Krimeve të Rënda, nuk e ndryshoi masën e sigurisë, duke e lënë në “arrest shtëpie”. Kjo masë duket se nuk është ajo që kërkon Prokuroria, pasi vendimin e gjyqtares Liljana Baku, pritet që ta apelojë.

Prokuroria e Krimeve të Rënda ka disa prova të reja ndaj Tahirit dhe dyshon se ai ka manipuluar të dhënat në regjistrat kufitarë.

Ish-ministri i Brendshëm, është nën hetim për trafikim lëndësh narkotike në kuadër të grupit të strukturuar kriminal dhe korrupsion pasiv.

Ka dyshime se Tahiri gjatë kohës që ka qenë ministër i Brendshëm, ka favorizuar trafikun e drogës për grupin e Habilajve, me të cilët ka edhe lidhje familjare.