Propozimi francez, ministri Osmani: Teksti u ndryshua

Ministri i Jashtëm i Maqedonisë së Veriut, Bujar Osmani, thotë se nga Madridi delegacioni i Shkupit kthehet “me propozim të ri të modifikuar të Presidencës Franceze, i cili menjëherë do të vihet në proces konsultimi institucional dhe shqyrtimit publik”.

Kryeministri i Maqedonisë së Veriut, Dimitar Kovaçevski përsëriti disa ditë më parë tre kërkesat kryesore të vendit të tij për kornizën negociuese që janë: njohja e plotë e gjuhës maqedonase, çështjet historike të mos jenë pjesë e kornizës negociuese dhe që negociatat të fillojnë përpara përfshirjes së bullgarëve, kroatëve dhe malazezëve në Kushtetutë.