Protesta 24 orëshe nga qytetarët, ministrja Ibrahimaj: S’marrim vendime nën presion

Qytetarët protestues të shtunën do të mbajnë një protestë 24 orëshe, nëse qeveria nuk plotëson kushtet e tyre që janë 7-të. Por ministrja e Financave Delina Ibrahimaj, thotë se qeveria i kalkulon me detaje të gjitha vendimet e saj dhe nuk ndikohet nga presionet e jashtme.

“Çdo qytetar ka të drejtë të protestojë, të ngrejë zërin për atë që mendon se është e drejtë.

Ne i kemi dëgjuar propozimet e protestuesve dhe kemi marrë vendimet tona me përgjegjshmërinë maksimale që të përballojmë situatën. Të njëjtat vendime kemi marrë dhe gjatë pandemisë kur e ardhmja ishte e pasigurtë.

Ne vendimet nuk i marrim brenda natës, të nxitura nga protestat, por ulemi dhe analizojmë që të krijojmë një ombrellë sa më të mirë për qytetarët dhe bizneset shqiptare”.