Protesta, deputeti Dashamir Shehi: Shkoj si qytetar, jo për të hipur në tribunë

Kreu i Lëvizjes për Zhvillim Kombëtar, Dashamir Shehi ka folur për protestën që PD-ja do të mbajë nesër, duke konfirmuar edhe njëherë pjesëmarrjen.

“E ka bërë mirë që e ka bërë kështu. Po ta kishte bërë me formulë tjetër unë nuk do shkoja. Më e mira është kështu. Thërrit qytetarët, qytetarët përgjigjen. Unë shkoj si qytetar, jo për të hipur në tribunë.

Nuk ndajmë shumë gjëra, por ndajmë një gjë, që ky njeri që po e drejton Shqipërinë po e dhunon, po e shkatërron Shqipërinë. Unë besoj që mos një ditë, një ditë do ia dalim sepse ka shkuar aty ku s’mban më”.