Protesta e PD-së tek Kryeministria, Policia tregon rrugët që do të bllokohen

Nesër opozita do të rikthehet tek Kryeministria për protestë. Drejtoria Vendore e Policisë Tiranë bën me dije planin e masave të marra për garantimin e rendit dhe sigurisë publike gjatë zhvillimit të tubimit të paralajmëruar nga Partia Demokratike, i cili do të mbahet në bulevardin Bulevardi “Dëshmorët e Kombit”, përpara godinës së Kryeministria e Shqipërisë.

Sipas njoftimit të Policisë së Tiranës, përfaqësues të subjektit politik Partia Demokratike e Shqipërisë kanë njoftuar Policinë e Tiranës për zhvillimin e një tubimi, më datë 08.05.2026, në orën 19:00, në bulevardin “Dëshmorët e Kombit”, para godinës së Kryeministrisë. Në bazë të ligjit “Për tubimet”, Policia e Tiranës ka marrë masat me qëllim garantimin e mbarëvajtjes së tubimit në vendin dhe afatin kohor të kërkuar.

Në zbatim të këtyre masave, ditën e sotme dhe të nesërme, do të kufizohet lëvizja në disa akse/segmente rrugore, konkretisht: nga ora 23:45 e datës 07.05.2026 deri në përfundim të tubimit, do të bllokohet lëvizja dhe nuk do të lejohet parkimi i automjeteve në bulevardin “Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”; nga ora 15:00 e datës 08.05.2026 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Policia e Tiranës apelon për organizatorët e tubimit për respektimin e afatit kohor dhe vendit ku do të zhvillohet tubimi, si dhe kërkon mirëkuptimin e qytetarëve për kufizimin e lëvizjes me automjete. Gjithashtu, apelon që të distancohen në rast se gjenden përballë veprimeve të kundërligjshme që cenojnë rendin dhe sigurinë publike.

Tubimi i paralajmëruar nga Partia Demokratike pritet të zhvillohet nën masa të shtuara sigurie, ndërsa mbetet për t’u parë pjesëmarrja dhe mesazhet politike që do të përcillen gjatë protestës së opozitës.