Protesta e studentëve, Çupi: Rama njeh dialogun e përçarjes dhe jo të zgjidhjes së problemeve

Pa tentativës se kreut të qeverisë për të përçarë studentetët dhe protestën e tyre ka reaguar edhe deputetja demokrate Dhurata Çupi e cila në një postim në rrjetin social facebook shkruan se “në 5 vite Edi Rama përdori vetëm një taktikë për shqipërinë: Copëtoje, ndaje, përcaje dhe vidhe.
Ky është i vetmi dialog që Edi Rama di të bëjë, por e shkruan në akull me studentët pasi ata kurrë nuk do ta pranojnë një sjellje apo dialog të tillë”

Ja postimi i plotë i deputetes së PD:

Rama njeh dialogun e përcarjes dhe jo të zgjidhjes së problemeve.

Edi Rama nuk dialogoi ne 5 vite rresht me të gjithë ata persona të arrestuar pasi nuk mundën të paguanin energjinë elektrike.

Rama nuk dialogoi kurrë me qytetarët që iu shembi shtëpitë e u mori pasuritë dhe i nxorri në mëshirë të fatit pa asnjë qindarkë dëmshpërblim.

Edi Rama nuk dialogoi me mijëra pensionistë që në 5 vite i ka lënë pa ua rritur asnjë qindarkë pensionin.

Edi Rama nuk dialogoi me mijëra të rinj që të vetmen shpresë për të ardhmen e tyre shohin rrugët e Europës

Edi Rama nuk dialogoi kurrë me minatorët që po humbin jetën nëpër minierat e privatizuara nga oligarkët e tij .

Edi Rama nuk dialogoi me infermijeret , të papunët e të pamundurit.

Edi Rama në 5 vite nuk e ndërpreu për asnjë cast dialogun me korrupsionin, aferat, tenderat e oligarkët

Në 5 vite Edi Rama përdori vetëm një taktikë për shqipërinë: Copëtoje, ndaje, përcaje dhe vidhe.

Ky është i vetmi dialog që Edi Rama di të bëjë, por e shkruan ne akull me studentët pasi ata kurrë nuk do ta pranojnë një sjellje apo dialog të tillë.