Protesta te PD, ministri Çuçi: Policia dëshmoi se është një trupë e depolitizuar

Ministri i Brendshëm, Bledi Çuçi, ka reaguar për protestën e zhvilluar para selisë së PD, të thirrur nga Sali Berisha.

“Policia e Shtetit tregoi edhe njëherë sot një sjellje profesionale në garantimin e rendit dhe sigurisë publike. Dëshmoi gjithashtu se është një trupë e depolitizuar dhe tërësisht e angazhuar për të siguruar jetën dhe pronën e qytetarëve.

Protestat paqësore janë themelore në demokraci, por aktet e dhunës dhe tentativat për të cënuar rendin publik nuk do të tolerohen. Policia e Shtetit është e vendosur për të vijuar punën dhe misionin që i ngarkon ligji. Përgëzime@PoliciaeShtetit”, thekson ministri Çuçi.