Protestat e studentëve, Basha: Anulojmë ligjin e Arsimit të Lartë kur të vijmë në pushtet

Aktualitet E Enjte, 16 Shtator 2021 12:07

Kryetari i Partisë Demokratike Lulzim Basha paralajmëroi në emisionin ‘5 Pyetjet nga Babaramo’ në Report Tv, se PD do anulojë ligjin e Arsimit të Lartë sapo të vijë në pushtet. Basha komentoi protestën e studentëve duke e cilësuar atë të drejtë pasi sipas tij qeveria nuk ka investuar në infratrukturën universitare dhe atë akomoduese 5 vitet e fundit. Basha tha se PD ka një plan të qartë për dyfishimin e buxhetit për arsimin si dhe një plan konkret për të investuar në universitete dhe konvikte. Sipas tij, qeveria i ka paratë por nuk do t’i investojë pasi sipas tij ato para janë të destinuara për të përfunduar në xhepat e palëve të treta.

Kreu i PD foli edhe për banorët e “Unazës së Re” duke ritheksuar aty po grabitet prona private dhe buxheti i shtetit. Sipas Bashës, janë 40 milionë euro të cilat janë planifikuar të përfundojnë në xhepat e oligarkëve. Basha do të flasë edhe për Kuvendin Kombëtar të kësaj force politike që u mbajt ditën e shtunë, organizimi për zgjedhjet lokale, marrëdhënien me parlamentin apo dhe protestën te “Unaza e Re”.

Sjellja e opozitës në raport me protestat, Basha: Kemi 5 vite që denoncojmë

Kryetari i Partisë Demokratike, Lulzim Basha, gjatë bisedës në studion e “5 pyetje” ka thënë se opozita e ka bërë shumë mirë detyrën në raport me qytetarët. Basha tha se opozita ka denoncuar shumë cështje që kanë marrë zgjidhje në këtë vend.“Kjo është një emergjencë kombëtare. Kemi përsëritur të njëjtin qëndrim, ne mbështesim qëndrimin e studentëve. Atyre iu ka humbur shpresa. Pasi nisi protesta e studentëve, nisën protestat anembanë Shqipërisë. Nesër biznesi i vogël ka paralajmëruar se nesër do të mbyllë qepenat. S’ka detyrim më të madh, qenia njerëzore sesa të luftojë për fëmijët e tij. Shoqëria civile, sipërmarrja, të gjithë e kanë bërë pjesën e tyre? Ne si opozitë kemi 5 vite që denoncojmë drogën, shpërdorimin e parave. Kemi 5 vite që denoncojmë se kjo është një bandë? Po, padyshim që po. Kemi paraqitur ligjin për dekriminalizimin, sot, kemi paraqitur Vettingun e politikanëve, që të ikin politikanët e lidhur me kriminelët.”

Unaza e Re/ Paralajmërimi i Bashës: Elementë të krimit do pastrojnë paratë me pallate, nesër ose pasnesër dalin emrat

Kryetari i Partisë Demokratike, Lulzim Basha krahasoi cështjen e Universiteteve me ndërtimin e Unazës së Re. Basha tha se tek Unaza e Re, ka një plan vjedhjeje, por edhe për pastrimin e parave që vijnë nga droga dhe krimi. Basha tha: Ky është një sistem vjedhjeje, ne kemi një plan të qartë. Ne mbështesim 8 pikat e studentëve. Në planin tonë që e kemi parashtruar, ne themi dyfishim të buxhetit për Arsimin e Lartë. Ne i hapëm rrugë arsimit privat, por nuk kemi patur klientelizëm. Ka njerëz që e thonë nga naiviteti e të tjerë nga propoganda. Mediat, gjykata, shërbimi sekret, ka cdo gjë në dorë.Tarifat janë reflektimi i vjedhjes. Po heq paralele mes Unazës së Re dhe Universitet. Unaza e Re, vjedhje ashiqare, kanë hapur llogari sekrete bankare. Pasi t’ju prishin shtëpitë, do të ndërtojnë pallatet për të pastruar paratë e drogës. Elementë të krimit të organizuar që do t’i bëjmë emrat e tyre publike. Nesër, maksimimumi pasnesër, s’kanë ku të shkojnë. Janë duke bërë falsifikime, por s’kanë ku të shkojnë.

Kioskat universitare në kohën e qeverisë Berisha/ Basha në “5 pyetjet nga Babaramo”: Ka vend për reflektim

Kryetari i Partisë Demokratike, Lulzim Basha gjatë intervistës me gazetarin Ilir Babaramo në emisionin “5 pyetjet” në Report Tv, tha se për kioskat Universitare të kohës së qeverisë Berisha ka vend për reflektim.Lulzim Basha, kryetar i PD: Protesta, e drejtë. Rezultat i degjenerimit të arsimit të lartë, përgjegjësinë e ka ai që kaloi ligjin, Edi Rama. Ju e dini që PD e kundërshtoi këtë ligj, ne përvijuam qëndrimin tonë politik të prerë. Parashtruam zgjidhjet për shqiptarët, të dyfishohej buxheti për arsimin. Sot, Rama harxhon më shumë për shpenzime luksi. Shqipëria, vendi me arsimin më të shtrenjtë në Europë dhe me cilësinë më të dobët. Unë kam studiuar në Holandë dhe atje paguaja më pak se këtu. Studentët këtu paguajnë shumë më shumë. Unë kam paguar në Holandë 700 dollarë në vit. S’është vetëm çështje tarifash. Faza e parë e atyre universiteteve pati problem, u përballëm me skarcitete, Universitete të licensuara, por që nuk përmbushnin kushtet. Sigurisht që ka vend për reflektim. Ligji i arsimit është ligj klientelist.

Bojkoti i opozitës/ Deklarata e fortë e Bashës : Jam gati t’i djegim mandatet

Lulzim Basha ka thënë se opozita nuk e ka bojkotuar Kuvendin. Basha tha se ka mundësi që opozita të jetë në Kuvend ditën e enjte për të nisur punë me Vettingun e politikanëve pas dhënies së dritës jeshile nga Komisioni i Venecias. Basha tha se ka një opsion për djegie të mandateve.

“S’ka bojkot për Kuvendin. Nuk ka qenë bojkot. Në shtator ne nxorrëm 3 platforma që i konsiderojmë emergjente, vettingun e politikanëve, ligjin anti-mafia dhe dekriminalizimin. Të parën Rama e përqeshi, më pas e refuzoi e më pas e coi tek Venecia. Venecia i dha dritën jeshile. Tha që konstatoj probleme në Shqipëri të politikës me krimin. Propozuam mekanizmin e dekriminalizimit. Kërkuam monitorim ndërkombëtar, shqiptarët e duan Vettingun e politikanëve, e mbështesin iniciativën tonë. Ka disa opsione që po diskutohen, një grup thotë të djegim mandatet, një grup thotë të hyjmë në seancë për Vettingun se ajo është kauza jonë. A jam unë gati? Po, unë jam gati në cdo moment t’i djegim mandatet.”-tha Basha.

https://www.facebook.com/lulzimbasha.al/videos/369637446944473/