Protestë në sheshin ”Nënë Tereza”, Meta: Solidarizohem me thirrjen për të reaguar fuqimisht ndaj krimit

Në orën 18:30, në sheshin ”Nënë Tereza” në Tiranë, do të mbahet një protestë për të dënuar abuzimin seksual të 5 burrave me 11-vjeçaren. Kreu i Partisë së Lirisë, Ilir Meta përmes një mesazhi në Facebook, pohoi se mbështest protestën për mbrojtjen e vajzave dhe grave nga dhuna patriarkale.

Postimi i plotë

Mbështes dhe solidarizohem plotësisht me protestën ‘Solidaritet me Prishtinën’ e thirrur sot në Tiranë, në ora 18:30, në sheshin “Nënë Tereza” për mbrojtjen nga dhuna patriarkale të vajzave, grave dhe nënave shqiptare.

Duke ju bashkuar kërkesës legjitime për ndëshkimin më shembullor të autorëve që dhunuan vogëlushen 11-vjeçare në Prishtinë, akt i rëndë që tronditi mbarë shoqërinë shqiptare, si dhe duke shprehur të gjithë mbështetjen time për të dhe familjen e saj, solidarizohem sot me thirrjen për të reaguar fuqimisht ndaj një krimi që nuk duhet të gjejë vend në shoqëritë tona.