Protestë në Tiranë kundër bombardimeve: Jam Palestina, a më dëgjon?

Konflikti që është duke ndodhur aktualisht mes Palestinës dhe Izraelit duket se ka ngjallur dhe reagimin e qytetarëve në vendin tonë.

Një protestë kundër bombardimeve izraelite ndaj popullit palestinez është mbajtur pasditen e sotme në Tiranë.

Bëhet me dije se dhjetëra qytetarë janë mbledhur në sheshin “Skëndërbej” më flamuj dhe pankarta në duar.

Me thirrjet “Free Palestine” dhe “Jam Palestina, a më dëgjon?”, qytetarët kanë kërkuar fundin e dhunës.

Kujtojmë se sipas raportimeve të mediave të huaja të paktën 139 njerëz janë vrarë në Gaza që nga e hëna, duke përfshirë 39 fëmijë dhe 22 gra. Tetë vetë u vranë në Izrael, duke përfshirë një djalë pesë vjeç dhe një ushtar.