PS bëhet gati për zgjedhjet në parti dhe ato Parlamentare

Këtë të premte, pra me 8 dhjetor, delegatët e PS do të mblidhen te Pallati i Kongreseve për të marrë pjesë në Kongresin e Jashtëzakonshëm të kësaj force politike.

Përveçse do të caktohet data e Kongresit zgjedhor për vitin e ardhshëm, socialistët do të kenë mundësi që në 6 panele të paraqesin arritjet dhe sfidat për fushat kryesorë të qeverisë së majtë.

Takimi i delegatëve socialistë që pritet të zgjasë rreth 3 orë është parashikuar të mbyllet me fjalimin e kryetarit të Partisë, njëherësh edhe kryeministri i vendit Edi Rama.