PS dhe PD ”bëhen bashkë”, me 96 vota miratojnë tre projektligjet e qeverisë

Përpos sherrit dhe debateve, në seancën e kësaj të enjte në Kuvend, u diskutuan tre projektligjet të cilat janë votuar me shumicë votash. 96 deputetët kanë votuar pro për të tre projektligjet, me asnjë votë kundër dhe asnjë abstenim.

Kuvendi miratoi sot marrëveshjen me Japoninë për projektin e restaurimit dhe mjedisin ekspozues në Muzeun Historik Kombëtar të Shqipërisë.

Kuvendi miratoi me 96 vota pro projektvendimin “Për një ndryshim në vendimin nr. 69/2021 “Për caktimin e anëtarësisë së komisioneve të përhershme të Kuvendit”, i ndryshuar.

Kuvendi miratoi me 96 vota pro projektvendimin “Për ngritjen e nënkomisionit për Mjedisin dhe Bujqësinë, si pjesë e Komisionit për Veprimtarinë Prodhuese, Tregtinë dhe Mjedisin”.