PS ndez motorët për zgjedhjet e ardhshme, mbledh nesër grupin parlamentar

Nesër në orën 16:00 kryesocialisti Edi Rama do të mbledhë grupin parlamentar të Partisë Socialiste në Elbasan.

Në fokus është caktimi i një date për Asamblenë e PS-së ku pritet të ketë ndryshime për kryesinë e re, sekretariatet dhe sekretarin e përgjithshëm. Këto ndryshime do e bëjnë gati PS-në për zgjedhjet e ardhshme parlamentare.

Sipas një platform-ideje është parashtruar që Asambleja të mbahet në tre qarqe, në Shkodër, në Tiranë dhe në Fier. Por nesër do të vendoset konkretisht lidhur me këtë takim.