Pse Belinda Balluku është e ardhmja e PS?

Jurden Asllani

Student në UT

Ndoqa zgjedhjet e 11 majit. Fushata ishte me akuza ngado e kudo, në PS e në PD. Gjithkush të shante kundërshtarin. Ndërsa më bëri përshtypje se në Fier Gazmend Bardhi akuzonte dhe çfarë nuk thoshte kundër Belinda Ballukut të PS-së. Por zonja Balluku ruajti qetësinë, nuk iu përgjigj por takonte njerëz, bisedonte dhe fliste se si mund të rregullohen gjërat.

Edhe Agron Gjekmarkaj në Lezhë, nuk fliste me gjuhën e Tomor Alizotit e Gaz Bardhit. Edhe ai bëri fushatë të qetë.

Belinda Balluku është me tepër se Gaz Bardhi demokrate, edhe pse vjen nga një familje e nderuar ish-komuniste, të cilën e përsekutoi dhe shkatërroi diktatori komunist Enver Hoxha. Me aq sa kam lexuar Belinda Balluku ka kaluar fëmijërinë në internim, në një tmerr mbijetese.

Por kurrë nuk shan.

Këto ditë ndoqa një sondazh në www.kohajone.com ku pyetja ishte Cilin (e) nga drejtuesit politikë të PS për 12 qarqet vlerësoni si me të suksesshëm për 11 majin?

Dhe në krye renditet Belinda Balluku me vota massive si më e pëlqyera e publikut.

Ndaj zonja socialiste do të jetë e ardhmja e PS-së, sepse ka kulturën, elokuencën dhe thjeshtësinë në raportet me qytetarin, por edhe me politikën.